Joice Thottackad

1934 ഡിസംബര്‍ 26-നു പ. ബസേലിയോസ് ഗീവര്‍ഗീസ് രണ്ടാമന്‍ കാതോലിക്കാ ബാവാ വിളിച്ചുകൂട്ടിയ മലങ്കര സുറിയാനി ക്രിസ്ത്യാനി അസോസിയേഷന്‍ യോഗം പാസ്സാക്കിയ മലങ്കരസഭാ ഭരണഘടനയുടെ നവതി മലങ്കരസഭ ആഘോഷിക്കുകയാണ്. ഭരണഘടനയുടെ ചരിത്രവും രേഖകളും സഭാചരിത്രകാരനായ ഡെറിന്‍ രാജുവിനൊപ്പം കണ്ടെത്താനും പ്രസിദ്ധീകരിക്കാനും സാധിച്ചത് ഒരു ദൈവനിയോഗമായി കാണുന്നു. ഭരണഘടനയുടെ രൂപീകരണം സംബന്ധിച്ച് ഓര്‍മ്മിക്കേണ്ട ചില വസ്തുതകള്‍ ചൂണ്ടിക്കാണിക്കുന്നു. അല്‍മായനേതൃത്വത്തിന്‍റെ പങ്ക് 1934-ല്‍ പാസ്സാക്കിയ ഭരണഘടനയുടെ ശില്പികള്‍ അന്നത്തെ അല്‍മായ നേതൃത്വമായിരുന്നു. മലങ്കര മെത്രാപ്പോലീത്തായുടെ ഏകപക്ഷീയമായ സഭാഭരണത്തിനും, സാമ്പത്തികം കൈകാര്യം ചെയ്യാനുള്ള അവകാശം ദൈവദത്തമാണെന്ന അവകാശവാദത്തിനുമെതിരെ ഒന്നര പതിറ്റാണ്ട് പോരാട്ടവും വിപ്ലവവും നയിച്ച് സഭാഭരണഘടന രൂപീകരിച്ച് മലങ്കര മെത്രാപ്പോലീത്തായെയും മെത്രാപ്പോലീത്തന്മാരെയും വൈദികരെയും അല്‍മായരെയും വ്യവസ്ഥാപിത ഭരണഘടനയ്ക്കുള്ളില്‍ മാത്രം പ്രവര്‍ത്തിക്കുന്നവരാക്കി മാറ്റുകയാണ് അന്നത്തെ അല്‍മായ നേതൃത്വം ചെയ്തത്.  അനുരഞ്ജനത്തിനായി വാതില്‍ തുറന്നിട്ടു 1911 മുതല്‍ ഉണ്ടായ മലങ്കരസഭാ ഭിന്നതയുടെ പ്ര...

നവീകരണത്തെ ചെറുക്കാന് ‍ പരുമല സെമിനാരി സ്ഥാപിച്ച പുലിക്കോട്ടില് ‍ ജോസഫ് മാര് ‍ ദീവന്നാസ്യോസ് രണ്ടാമന് ‍ മുളന്തുരുത്തിയിലെ ഇടവകപട്ടക്കാരനായ ചാത്തുരുത്തില് ‍ ഗീവര് ‍ ഗീസ് കോറെപ്പിസ്ക്കോപ്പാ എന്ന ചെറുപ്പക്കാരനെ കണ്ടെത്തി റമ്പാനാക്കി വെട്ടിക്കല് ‍ താമസിപ്പിക്കുന്നു. മലങ്കരയെത്തിയ പത്രോസ് പാത്രിയര് ‍ ക്കീസ് ബാവായും മലങ്കര മെത്രാപ്പോലീത്തായും തമ്മിലുള്ള കണ്ണിയായി ചാത്തുരുത്തില് ‍ ഗീവര് ‍ ഗീസ് കോറെപ്പിസ്ക്കോപ്പായെ പാത്രിയര് ‍ ക്കീസ് ബാവായുടെ ദ്വിഭാഷിയായി കൊടുക്കുന്നു. പാത്രിയര് ‍ ക്കീസ് ബാവാ, മലങ്കര മെത്രാപ്പോലീത്തായായ തന്നോടാലോചിക്കാതെ ആറു പേര് ‍ ക്ക് മെത്രാപ്പോലീത്താ സ്ഥാനം നല് ‍ കിയതില് ‍ ചാത്തുരുത്തില് ‍ ഗീവര് ‍ ഗീസ് കോറെപ്പിസ്ക്കോപ്പായും ഉണ്ടായിരുന്നു. ആറു പേരും മേല് ‍ സ്ഥാനിയായ തന്നോടാലോചിക്കാതെയാണ് സ്ഥാനമേറ്റതെങ്കിലും അവര് ‍ ക്കെതിരെ നടപടി എടുക്കാതെയും അവരോടു പിണങ്ങാതെയും, 46 വയസുള്ള താന് ‍ സ്ഥാനമൊഴിയാം നവീകരണക്കാരുമായുള്ള കേസ് നിങ്ങള് ‍ നടത്താന് ‍ നിര് ‍ ദേശിക്കുന്ന പുലിക്കോട്ടില് ‍ ജോസഫ് മാര് ‍ ദീവന്നാസ്യോസ് രണ്ടാമന് ‍ റെ നയതന്ത്രത്തിനു മുന്നില് ‍ പതറിയ നവാഭിഷിക്തര് ‍ ...

1. പ്രകാശത്തിലേയ്ക്ക് ഒരു തീര്‍ത്ഥയാത്ര 2. കടവില്‍ പൗലോസ് മാര്‍ അത്താനാസ്യോസ് 3. എഴുത്തുകള്‍, പരുമല ഗീവര്‍ഗീസ് മാര്‍ ഗ്രീഗോറിയോസ് (എഡിറ്റര്‍) 4. പാമ്പാടിയിലെ മുനിശ്രേഷ്ഠന്‍ (എഡിറ്റര്‍) 5. മലങ്കരസഭാ ചരിത്രരേഖകള്‍ (എഡിറ്റര്‍), സോഫിയാ ബുക്സ്, കോട്ടയം. 6. മലങ്കര സുറിയാനി ക്രിസ്ത്യാനി അസോസിയേഷന്‍: ചരിത്രം, രേഖകള്‍, സോഫിയാ ബുക്സ്, കോട്ടയം.

 പൗലോസ് മാര്‍ ഗ്രീഗോറിയോസ് തിരുമേനിയുടെ ജീവിതകാലത്തെ ഭൂരിഭാഗം ഫോട്ടോകളും സമാഹരിച്ച് തിരുമേനിയുടെ സപ്തതിക്ക് 1992-ല്‍ കോട്ടയം ഓര്‍ത്തഡോക്സ് സെമിനാരിയില്‍ പ്രദര്‍ശിപ്പിച്ചിരുന്നു. കാലം ചെയ്ത ശേഷം 40-ാം ദിവസവും ഈ പ്രദര്‍ശനം നടന്നു. അന്ന് പഠിച്ചുകൊണ്ടിരുന്ന ഒരു ശെമ്മാശന്‍ ഇവ മൊത്തം സ്കാന്‍ ചെയ്തു സിഡി യിലാക്കി തരാം എന്ന് പറഞ്ഞു കൊണ്ടുപോയി. പിന്നീട് വര്‍ഷങ്ങള്‍ കഴിഞ്ഞിട്ടും ഒരു വിവരവും ഇല്ല. ഡല്‍ഹി ഭദ്രാസന അരമനയില്‍ നിന്ന് ഈ ഫോട്ടോകള്‍ ബോംബെ ഭദ്രാസന അരമനയില്‍ എത്തിയതായി ഒരു ന്യൂസ് കിട്ടി. ഡല്‍ഹി, ബോംബെ ഭദ്രാസന മെത്രാന്മാരുമായി അടുപ്പമുള്ള എന്‍റെ സുഹൃത്തായ ഒരു ചെറുപ്പക്കാരനെ ഉപയോഗിച്ച് ഈ ഫോട്ടോകള്‍ അവിടെ നിന്നും കൊണ്ടുപോന്നു. രൂബന്‍ എന്നു പറയുന്ന ആ ചെറുപ്പക്കാരന്‍ ബാംഗ്ലൂരിലെ തന്‍റെ വീട്ടില്‍ കൊണ്ടുവന്ന് ഈ ഫോട്ടോകള്‍ സൂക്ഷിച്ചു. പിന്നീട് ഞാന്‍ ഈ കാര്യം മറന്നു. രൂബനുമായുള്ള ഓണ്‍ലൈന്‍ സമ്പര്‍ക്കവും നിന്നുപോയി. വര്‍ഷങ്ങള്‍ക്കു ശേഷമാണ് ഞാന്‍ വീണ്ടും ഈ കാര്യം ഓര്‍മ്മിക്കുന്നത്. രൂബന്‍റെ ഇ മെയില്‍ അഡ്രസും ഫോണ്‍ നമ്പരുമില്ല. ഒടുവില്‍ ഞങ്ങളുടെ ഒരു പൊതു സുഹൃത്തില്‍ നിന്നും ഇ മെയില്‍ അഡ്രസ് വാങ്ങി...

1992-ല്‍ പ്രസ് മുറിയില്‍ കിടന്ന് കടവില്‍ അത്താനാസ്യോസിന്‍റെ സ്ഥാത്തിക്കോന്‍ എനിക്ക് കിട്ടിയത് സെമിനാരി ആര്‍ക്കൈവ്സില്‍ കൊടുത്തത് രണ്ടു സൈഡും ലാമിനേറ്റ് ചെയ്ത് സൂക്ഷിക്കുന്നു. 2002-ല്‍ ആര്‍ക്കൈവ്സില്‍ നിന്ന് അത് എടുത്ത് കോട്ടയത്തെ ഒരു സ്ഥാപനത്തില്‍ കൊണ്ടുപോയി അതിലെ പത്രോസ് പാത്രിയര്‍ക്കീസിന്‍റെ ഛായാചിത്രം സ്കാന്‍ ചെയ്തു. മലങ്കരസഭാ മാസികയുടെ പരുമല തിരുമേനിയുടെ ദേഹവിയോഗ ശതാബ്ദി പുസ്തകത്തിനു വേണ്ടിയാണ് സ്കാന്‍ ചെയ്തത്.  കുറെക്കാലം കഴിഞ്ഞ് ആര്‍ക്കൈവ്സില്‍ തിരക്കിയപ്പോള്‍ സ്ഥാത്തിക്കോന്‍ അവിടെയില്ല. തിരക്കിപ്പിടിച്ചു ചെന്നപ്പോള്‍ ദേവലോകത്തു മലങ്കരസഭാ മാസികയുടെ ഓഫീസില്‍ നിന്നു കണ്ടുകിട്ടി. സ്ഥാത്തിക്കോന്‍ ഓഫീസില്‍ കൊണ്ടുവന്ന് നിവര്‍ത്തിയിട്ട് (18 അടിയോളം നീളമുണ്ട്) ഫോട്ടോ എടുത്തു. 2008-ലോ മറ്റോ ആയിരിക്കും സ്ഥാത്തിക്കോന്‍ കണ്ടുകിട്ടിയത്. ആറു കൊല്ലം ഇത് കാണാതായിട്ടും തിരക്കാഞ്ഞ ആര്‍ക്കൈവ്സ് ചുമതലക്കാര്‍ക്ക് സ്ഥാത്തിക്കോന്‍ കൊണ്ടുപോയി കൊടുത്തു. ഇനി നഷ്ടപ്പെടുത്തരുതെന്ന് പറഞ്ഞിരുന്നു. ഇപ്പോള്‍ അവിടെ ഉണ്ടോ എന്ന് ദൈവത്തിനറിയാം. കാതോലിക്കേറ്റ് അരമനയുടെ പുറകുവശത്ത് ഇപ്പോള്‍ ഈ വെയിസ്റ്റ് ഇട്ടിരിക്...

മലങ്കരസഭ ഒരു പൗരസ്ത്യ ഓര്‍ത്തഡോക്സ് സഭയാണ്. ഓര്‍ത്തോദുക്സോ സുറിയാനി സഭ എന്നാണ് 1850-നു മുമ്പുള്ള രേഖകളില്‍ കാണുക. അല്ലെങ്കില്‍ സുറിയാനിയില്‍ ത്രീസായി ശുബഹോ. ഇതിന്‍റെ മലയാളമെന്ന രീതിയില്‍ തരിസായികള്‍, ധരിയായികള്‍ എന്നൊക്കെ മലങ്കര നസ്രാണികള്‍ അറിയപ്പെട്ടു.  1840 മുതലുള്ള കാലത്ത് അന്ത്യോഖ്യന്‍ സുറിയാനി ഓര്‍ത്തഡോക്സ് സഭയുമായുള്ള ബന്ധത്തില്‍ സഭയുടെ പേരിനൊപ്പം യാക്കോബായ ചേര്‍ക്കപ്പെട്ടു. 1911-ലെ സഭാ വിഭജനത്തെ തുടര്‍ന്ന് മലങ്കര നസ്രാണികള്‍ തങ്ങളുടെ സ്വത്വം തിരിച്ചറിയുകയും ആദ്യം ഓര്‍ത്തോദുക്സോ സുറിയാനി സഭ എന്നും പിന്നീട് ഓര്‍ത്തഡോക്സ് സുറിയാനി സഭ എന്നും ഉപയോഗിക്കുകയും 1934-ലെ ഭരണഘടനയില്‍ ഉള്‍പ്പെടുത്തി സഭയുടെ ഔദ്യോഗിക നാമമാക്കുകയുമാണ് ഉണ്ടായത്.

  1994. കോട്ടയം ഓര്‍ത്തഡോക്സ് സെമിനാരിയിലെ സോഫിയാ സെന്‍ററിന്‍റെ പ്രോഗ്രാം സെക്രട്ടറി ഫാ. ടി. പി. ഏലിയാസിന്‍റെ മുറി. ഞാനും അച്ചനുമായി സംസാരിച്ചിരിക്കവെ ഒരു അച്ചന്‍ മുറിയിലേക്കു വന്നു. ഏലിയാസച്ചന്‍ അന്ന് 24 വയസുള്ള എന്നെ അച്ചനു പരിചയപ്പെടുത്തി. "ഇത് ജോയ്സ് തോട്ടയ്ക്കാട്." വന്ന അച്ചന്‍ പൊടുന്നനവെ ഞെട്ടി. "ഇത്രയും ചെറുപ്പമായിരുന്നോ! ഞാനൊരു 50-60 വയസ്സുള്ള ആളായിരിക്കുമെന്ന് കരുതി. ഗ്രീഗോറിയോസ് തിരുമേനി അവിടെ 'വാത്സല്യവാനായ ജോയ്സേ' എന്നു തുടങ്ങി എന്തോ എഴുതി വച്ചിരിക്കുന്നത് കണ്ടു." ഏലിയാസച്ചന്‍ സ്വതസിദ്ധമായ ശൈലിയില്‍ വന്ന അച്ചനെ എനിക്ക് പരിചയപ്പെടുത്തി. "ഇതാണ് കെ. റ്റി. ഫിലിപ്പച്ചന്‍. ഗ്രീഗോറിയോസ് തിരുമേനിയുടെ തലക്കോടുള്ള സെന്‍റ് മേരീസ് ബാലഭവനത്തിന്‍റെ ചുമതലക്കാരനാണ്." കെ. റ്റി. ഫിലിപ്പച്ചനെ അന്നാണ് പരിചയപ്പെട്ടത്. 1992 മുതല്‍ സെമിനാരിയില്‍ മൈക്രോഫിലിം പ്രോജക്ട്, സഭാവിജ്ഞാനകോശം പ്രസിദ്ധീകരണം തുടങ്ങിയവയുമായി ബന്ധപ്പെട്ട് ഞാന്‍ സേവനം ചെയ്യുന്നുണ്ടായിരുന്നു. 1992 സെപ്റ്റംബറില്‍ നടന്ന പൗലോസ് മാര്‍ ഗ്രീഗോറിയോസ് തിരുമേനിയുടെ സപ്തതി സമ്മേളനത്തിനു കെ. റ്റി. ഫിലി...

 1. മത്തായി ശെമ്മാശന്‍, ഔഗേന്‍ എന്ന നാമം സ്വീകരിച്ച് റമ്പാനായി. ഔഗേന്‍ മാര്‍ തീമോത്തിയോസ് എന്ന പേരില്‍ മെത്രാനായി. ഔഗേന്‍ പ്രഥമന്‍ എന്ന പേരില്‍ കാതോലിക്കായായി. 2. ഫാ. വര്‍ഗീസ്, പൗലോസ് എന്ന നാമം സ്വീകരിച്ച് റമ്പാനായി. പൗലോസ് മാര്‍ ഗ്രീഗോറിയോസ് എന്ന പേരില്‍ മെത്രാനായി. 3. ജോണ്‍സണ്‍, ഗബ്രിയേല്‍ എന്ന പേരില്‍ സന്യാസ വൈദികനായി. ഗബ്രിയേല്‍ മാര്‍ ഗ്രീഗോറിയോസ് എന്ന പേരില്‍ മെത്രാനായി. 4. ഫാ. വിനോയി, ഔഗേൻ എന്ന നാമം സ്വീകരിച്ച് റമ്പാനായി. ഔഗേൻ മാർ ദീവന്നാസിയോസ് എന്ന പേരില്‍ മെത്രാനായി. ***** 1. ഫാ. യോഹന്നാന്‍ യല്‍ദോ എന്ന നാമം സ്വീകരിച്ച് റമ്പാനായി. യൂഹാനോന്‍ മാര്‍ പോളിക്കര്‍പ്പോസ് എന്ന നാമത്തില്‍ മെത്രാനായി. 2. ഫാ. ജി. ജോണ്‍, നഥാനിയേല്‍ എന്ന നാമം സ്വീകരിച്ച് റമ്പാനായി. യൂഹാനോന്‍ മാര്‍ തേവോദോറോസ് എന്ന നാമത്തില്‍ മെത്രാനായി. 3. ഫാ. വിനയന്‍, ക്രിസ്റ്റഫോറസ് എന്ന നാമം സ്വീകരിച്ച് റമ്പാനായി. എബ്രഹാം മാര്‍ എപ്പിഫാനിയോസ് എന്ന നാമത്തില്‍ മെത്രാനായി. 4. സ്റ്റീഫന്‍ ഒ.ഐ.സി. സ്തേഫാനോസ് റമ്പാനായി. മാത്യൂസ് മാര്‍ തേവോദോസിയോസ് എന്ന നാമത്തില്‍ മെത്രാനായി. 5. യൂഹാനോന്‍ റമ്പാന്‍, ജോഷ്വാ മാര്‍ നിക്കോദിമോസ് ...

കുന്നംകുളത്തുകാരുടെ  അപേക്ഷ പരിഗണിച്ചാണ് പരിശുദ്ധനു പകരം സഭാജ്യോതിസ് എന്ന നാമം നല്‍കി സെമിനാരി സ്ഥാപകന്‍ പുലിക്കോട്ടില്‍ ജോസഫ് മാര്‍ ദീവന്നാസ്യോസ് ഒന്നാമനെ ആദരിച്ചത്. പേര് അന്ന് സി. സി. ചെറിയാനച്ചനും ഞാനും തമ്മില്‍ ചര്‍ച്ച ചെയ്തപ്പോള്‍ ഞാന്‍ നിര്‍ദേശിച്ചതാണെന്നാണ് ഓര്‍മ്മ. ഇതുള്‍പ്പെടെ രണ്ടു മൂന്നു പേരുകള്‍ സാഹിത്യ അക്കാദമി പ്രസിഡണ്ടായിരുന്ന കെ. എം. തരകന്‍ സാറിന്‍റെ ശ്രദ്ധയില്‍പെടുത്തി അഭിപ്രായം ചോദിച്ചപ്പോള്‍ അദ്ദേഹം നിര്‍ദേശിച്ച പേരാണ് സഭാജ്യോതിസ്. ചെറിയാനച്ചന്‍ അത് അന്നത്തെ സഭാ നേതൃത്വത്തോടു പറയുകയും സുന്നഹദോസ് ആ പേര് നല്‍കുവാന്‍ തീരുമാനിക്കുകയുമാണ് ചെയ്തത്. അതിനെക്കുറിച്ചുള്ള വ്യാഖ്യാനം സഭാവിജ്ഞാനകോശത്തില്‍ എഴുതിയതും ഞാനാണ്. ഭാസുരന്‍ എന്നതിന്‍റെ അര്‍ത്ഥവും ജ്യോതിസ് എന്നതിന്‍റെ അര്‍ത്ഥവും സാമ്യമുള്ളതായതുകൊണ്ട് അത്തരത്തില്‍ ഞാന്‍ എഴുതിയതിലെ ചില കാര്യങ്ങള്‍ കെ. എം തരകന്‍ സാര്‍ എഡിറ്റ് ചെയ്ത് കളഞ്ഞിരുന്നു.  മലങ്കരസഭ ഒരു സഭാപിതാവിനെ ഒരു പേര് നല്‍കി ആദരിച്ചത് അന്ന് ആദ്യമായിട്ടാണെന്നു തോന്നുന്നു. വട്ടശേരില്‍ തിരുമേനിയെ സഭാ ഭാസുരന്‍ എന്നു വിശേഷിപ്പിച്ചത് പുലിക്കോട്ടില്‍ ജോസഫ് റമ്പ...

മാത്യൂസ് അത്താനാസ്യോസിനെക്കുറിച്ച് മാര്‍ത്തോമ്മാക്കാര്‍ എഴുതി പ്രചരിപ്പിച്ചത് ഭൂരിപക്ഷവും അതിശയോക്തി പകര്‍ന്ന കഥകളും കല്ലു വച്ച നുണകളുമാണ്. ഇത്തരം കഥകള്‍ കുറെ എഴുതി പ്രചരിപ്പിച്ചത് ഗീവര്‍ഗീസ് രണ്ടാമന്‍ ബാവായുമായി പിണങ്ങി മാര്‍ത്തോമ്മായില്‍ പോയ ചിത്രമെഴുത്ത് കെ. എം. വര്‍ഗീസാണ്. ചിത്രമെഴുത്ത് അത്താനാസ്യോസിനെക്കുറിച്ച് എഴുതിയിരിക്കുന്നതെല്ലാം ഭാവന ചെയ്ത് എഴുതിയിരിക്കുന്ന ചരിത്രാഖ്യായികകള്‍ ആണ്.  പുലിക്കോട്ടില്‍ രണ്ടാമന്‍ തിരുമേനിയുടെ നവീകരണത്തിനെതിരെയുള്ള പോരാട്ടങ്ങളെ മനസിലാക്കാതെ ഇസഡ് എം. പാറേട്ട് പോലും മാര്‍ത്തോമ്മാ ചരിത്രകാരന്മാര്‍ എഴുതിയ മണ്ടത്തരങ്ങള്‍ ആവര്‍ത്തിച്ചിട്ടുണ്ട്. മാത്യൂസ് പ്രഥമന്‍ ബാവായും ഇയാളൊരു തന്‍റേടി ആയിരുന്നു എന്ന് തെറ്റിദ്ധരിച്ചത് മൂലമാണ് ചിത്രമെഴുത്ത്, അത്താനാസ്യോസിനെക്കുറിച്ച് എഴുതിയ മണ്ടത്തരങ്ങള്‍ ഔദ്യോഗികമായി പ്രസിദ്ധീകരിച്ചത്. ജോര്‍ജ് വര്‍ഗീസ് മദ്രാസും ടി. ജി. സഖറിയാ അച്ചനുമാണ് ബാവായെ മണ്ടത്തരത്തില്‍ ചാടിച്ചത്. ഇപ്പോള്‍ ശെമവൂന്‍ മാര്‍ ദീവന്നാസ്യോസിന്‍റെ നാളാഗമം (കണ്ടനാട് ഗ്രന്ഥവരി), ഇടവഴിക്കല്‍ ഡയറി (മലങ്കരസഭാ ചരിത്രരേഖകള്‍) എന്നീ പുസ്തകങ്ങളും പുലിക്കോട്ടില...

ഇദ്ദേഹത്തെ മരിക്കുന്നതിന് തൊട്ടു മുമ്പ് കാണാനുള്ള ഒരു ഭാഗ്യം എനിക്കുണ്ടായി. ഞാന്‍ ബസേലിയോസ് കോളജില്‍ പ്രീ ഡിഗ്രിക്ക് പഠിക്കുമ്പോഴായിരുന്നു 1987-ലെ നിയമസഭാ തിരഞ്ഞെടുപ്പ്. ടി. കെ. രാമകൃഷ്ണനും തിരുവഞ്ചൂര്‍ രാധാകൃഷ്ണനും എറിക് മുറിക്കുമായിരുന്നു സ്ഥാനാര്‍ത്ഥികള്‍. എറിക് മുറിക്ക് ഒരു കൊടിയുമേന്തി ഫയലൊക്കെ പിടിച്ചു നടക്കുന്ന ഒരു അനുയായിയുമായി കോളജിനു മുമ്പിലൂടെ  കളക്ടറേറ്റിലേക്ക് പോകുമ്പോള്‍ ഞാന്‍ കോളജിന് മുമ്പില്‍ നില്പുണ്ടായിരുന്നു. കളക്ടറേറ്റിന് മുമ്പിലെത്തിയപ്പോള്‍ അദ്ദേഹം കുഴഞ്ഞു വീണു മരിക്കുകയായിരുന്നു. കോട്ടയം താഴത്തങ്ങാടി കാക്കരോത്ത് കുടുംബാംഗവും റാന്നി പെരുനാട് ബഥനി ആശ്രമാംഗവും ആയിരുന്ന കുറിയാക്കോസ് ഒ.ഐ.സി. രചിച്ച ഒരു വിദേശയാത്രയും കുറെ ചിതറിയ ചിന്തകളും എന്ന ഗ്രന്ഥത്തില്‍ എറിക് മുറിക്കിനെ കുറിച്ചുള്ള ചില കഥകള്‍ എഴുതിയിട്ടുണ്ട്.  ക്നാനായ സഭയുടെ വലിയ മെത്രാപ്പോലീത്താ ആയിരുന്ന എബ്രഹാം മാര്‍ ക്ലീമ്മീസിന്‍റെ ഷഷ്ടിപൂര്‍ത്തി ആഘോഷിക്കുന്നത് സംബന്ധിച്ച് അദ്ദേഹം പള്ളികള്‍ക്കയച്ച ഒരു കല്പനയെ കളിയാക്കി കോട്ടയത്തു ഭിക്ഷ യാചിച്ചുകൊണ്ടിരുന്ന ദേഹം മുഴുവന്‍ മുഴകളുള്ള ഒരു യാചകന്‍റെ (കുറെ വര്‍...

  1. മഹാപുരോഹിതനായ ക്രിസ്തു പിതാവായ ദൈവത്തിനു മുമ്പില്‍ സമസ്ത സൃഷ്ടിക്കുംവേണ്ടി നടത്തുന്ന അനന്തമായ ശുശ്രൂഷയും സഭയിലുള്ള വിശുദ്ധ റൂഹായുടെ സാന്നിധ്യവും മൂലമാണ് പ്രാര്‍ത്ഥനയെന്ന മഹാപുരോഹിതോചിത കര്‍മത്തില്‍ ഭാഗഭാക്കാകാന്‍ നമുക്ക് കഴിയുന്നത്. കൂടുതല്‍ കൂടുതല്‍ ഭാഗഭാഗിത്വം സാധ്യമാകുന്നതോടുകൂടി കൂടുതല്‍ കൂടുതലായി നാം ദൈവസാദൃശ്യത്തിനോട് അടുക്കുന്നു. 2. മനുഷ്യസ്വാതന്ത്ര്യത്തിന്‍റെ പ്രകാശനങ്ങളാണ് പ്രാര്‍ത്ഥനകള്‍. 3. ദൈവഹിതം നിറവേറ്റപ്പെടണമെന്ന ആഗ്രഹത്തോട് ഗാഢമായി ബന്ധപ്പെടാത്ത യാതൊരു മദ്ധ്യസ്ഥ പ്രാര്‍ത്ഥനയ്ക്കും ക്രിസ്തീയ സാധുത്വം ഉണ്ടാവാന്‍ സാധ്യമല്ല. 4. തിരഞ്ഞെടുക്കുവാനുള്ള കഴിവും തിരഞ്ഞെടുക്കുന്നത് സാക്ഷാത് കരിക്കാനുള്ള ശക്തിയുമാണ് സ്വാതന്ത്ര്യം. 5. നമുക്ക് നിയന്ത്രിക്കാനാവാത്ത ശക്തികളുടെ കളിപ്പാവയല്ലാതായിത്തീരുകയെന്നതാണ് സ്വാതന്ത്ര്യം. 6. പ്രാര്‍ത്ഥനയില്ലാതെ യാതൊരാള്‍ക്കും പക്വത പ്രാപിച്ച ക്രൈസ്തവനാകാനോ, തികഞ്ഞ മാനവനാകാനോ സാധ്യമല്ല. സ്വാതന്ത്ര്യത്തിന്‍റെ ആഹ്ലാദമാണ് പ്രാര്‍ത്ഥന. അതാണ് ദൈവസുതന്മാരുടെ സവിശേഷ സ്വഭാവം.  7. ആരാധനാശുശ്രൂഷയുടെ യാതൊരു ഘട്ടത്തിലും വിശ്വാസികളായ മരിച്ചവരെ വിസ്മ...

പഴയ കാലത്ത് കപ്പല്‍കാരുടെയും കച്ചവടക്കാരുടെയും വശം പല കത്തുകള്‍ കൊടുത്തു വിടും. അവര്‍ അത് എവിടെയെങ്കിലുമൊക്കെ കൊണ്ടുപോയി കൊടുക്കും. അവര്‍ക്ക് മലങ്കരസഭയോടു ദയ തോന്നിയാല്‍ ആരെയെങ്കിലും പറഞ്ഞു വിടും. ഇങ്ങനെ പല ക്രൈസ്തവ സഭകളില്‍ നിന്ന് മെത്രാന്മാര്‍ ഇവിടെ വന്നിട്ടുണ്ട്. മാര്‍ത്തോമ്മാ മെത്രാന്മാരുടെ കാലത്ത് ഇങ്ങനെ പല തവണ കത്ത് കൊടുത്തു വിട്ട കാര്യം ചരിത്രത്തിലുണ്ട്. അഞ്ചാം മാര്‍ത്തോമ്മായുടെ കാലത്ത് കത്ത് കിട്ടി വന്നവരുടെ കപ്പല്‍ കൂലിയും അവര്‍ കടം വാങ്ങിയ തുകയുമായി 12000 രൂപ കൊടുക്കേണ്ടി വന്നു. അന്ന് ഒരു കത്തനാര്‍ മുളന്തുരുത്തി കമ്പോളത്തിലിറങ്ങി തെണ്ടി പിരിച്ച സംഭവം പഴയൊരു കൈയെഴുത്തു ചരിത്രത്തില്‍ നിന്നും ഫാ. ജോസഫ് ചീരന്‍ ഉദ്ധരിച്ചിട്ടുണ്ട്. നിരണത്തു നിന്നും പീത്തമ്മതങ്കി എന്നൊരു നസ്രാണി വനിത സ്വര്‍ണ്ണാഭരങ്ങള്‍ ഊരി നല്‍കിയ സംഭവം ചിത്രമെഴുത്തിന്‍റെ അഞ്ചാം മാര്‍ത്തോമ്മായും ഡച്ച് പീഡനവും എന്ന നോവലിലുണ്ട്. ഇത് യഥാര്‍ത്ഥ സംഭവം ആണോ ഭാവനയാണോ എന്നറിയില്ല. 7-10-2020

 

പാത്രിയര്‍ക്കീസ് വിഭാഗവും കൂടി ചേര്‍ന്ന് ഭേദഗതി വരുത്തിയ ഭരണഘടനയെ അവര്‍ക്കെങ്ങനെ തള്ളിപ്പറയാനാകും? / ജോയ്സ് തോട്ടയ്ക്കാട്

പാമ്പാടി വലിയപള്ളിക്കു സമീപത്തായി ബാലന്മാര്‍ കന്നുകാലികളെ മേയ്ക്കുക പതിവായിരുന്നു. കൂട്ടുകാരുമൊത്ത് കുറിയാക്കോസ് എന്ന ബാലനും അവിടെ കന്നുകാലികളെ മേയിച്ചിരുന്നു. അന്നൊക്കെ നാട്ടിന്‍പുറത്തുള്ള സാധാരണക്കാര്‍ പാള കൊണ്ടുണ്ടാക്കിയ തൊപ്പി ധരിച്ചുകൊണ്ടായിരുന്നു പുരയിടങ്ങളില്‍ പണിയെടുത്തിരുന്നത്. കുറിയാക്കോസും കൂട്ടുകാരും പാളത്തൊപ്പി ധരിച്ചിരുന്നു. ഒരു മെത്രാപ്പോലീത്താ പാമ്പാടി വലിയപള്ളിയില്‍ എഴുന്നള്ളിയിരിക്കുന്ന കാലം. പാളത്തൊപ്പി ധരിച്ച ബാലന്മാര്‍ കന്നുകാലികളെയും കൊണ്ട് കടന്നുപോകുന്നു. മെത്രാപ്പോലീത്താ അവരെ വീക്ഷിക്കുന്നു. അതു ബാലന്മാര്‍ അറിയുന്നില്ല. ഒരു പശുവിന്‍റെ കുറെ ചാണകം പള്ളിമുറ്റത്തു വീണു. ബാലന്മാര്‍ അതു ശ്രദ്ധിച്ചതേയില്ല. എന്നാല്‍ ഒരു ബാലന്‍ പെട്ടെന്ന് മടങ്ങിവന്ന് ചാണകം മുഴുവന്‍ രണ്ടു കൈകൊണ്ടും വാരിയെടുത്ത് പള്ളിവക ഒരു തെങ്ങിന്‍റെ മൂട്ടില്‍ കൊണ്ടുചെന്ന് ഇട്ടു. ഈ രംഗം മെത്രാപ്പോലീത്തായുടെ ഹൃദയത്തെ സ്പര്‍ശിച്ചു. 'ബാലന്‍ പള്ളിപരിസരത്തോട് ആദരവ് കാണിക്കുക മാത്രമല്ല ചെയ്തത്; ചാണകം പ്രയോജനപ്രദമായ രീതിയില്‍ നിക്ഷേപിക്കുക കൂടി ചെയ്തിരിക്കുന്നു. ഇവന്‍ കന്നുകാലികളെ മേയിക്കേണ്ടവനല്ല...